बेलायतका लागि नेपाली राजदूत ज्ञानचन्द्र आचार्यको बुद्ध फाउन्डेसन युकेद्वारा स्वागत र बुद्ध जयन्ति मनाउने बारे छलफल

हिमालयमेल डटकम।
लण्डन। बुद्ध फाउन्डेसन यूकेले बेलायतका लागि नवनियुक्त राजदूत ज्ञानचन्द्र आचार्यलाई स्वागत गरेको छ । आइतबार अध्यक्ष दीपक श्रेष्ठको नेतृत्वमा दूतावास पुगेका फाउन्डेसनका पदाधिकारीहरुले राजदूतको स्वागतसंगै छलफल पनि गरेका छन् ।

त्यसअवसरमा अध्यक्ष श्रेष्ठले फाउन्डेसनको लोगो र खादासहित राजदूत आचार्यलाई स्वागत गर्दै कार्यकाल सफलताको शुभकामना दिएका थिए । फाउन्डेसनका कार्यसमिति सदस्यद्वय अर्चना गुरुङ र अञ्जना थापाले पुष्पगुच्छा दिएका थिए ।

फाउन्डेसनका अध्यक्ष श्रेष्ठले संस्थाले गर्दै आएका कार्यहरुबारे राजदूतलाई जानकारी गराएका थिए । दूतावास समेतको सहकार्यमा वर्षेनी ट्राफ्ल्गर स्क्वायरमा हुँदै आएको बुद्धजयन्ती कार्यक्रमलाई आगामी दिनमा पनि दूतावासको सहयोग मिल्ने आशा उनले व्यक्त गरेका थिए ।

सो अवसरमा राजदूत आचार्यले बेलायतमा नेपाली भाषा, कला, संस्कृतिको प्रवर्द्धन् गर्ने कार्यमा दूतावासको सधैं सहयोग रहने प्रतिवद्धता जनाए । उनले बुद्धजयन्ती कार्यक्रमलाई यस वर्ष पनि सफल बनाउन आवश्यक सहयोगको आश्वासन दिए।

उपनियोग प्रमुख रोशन खनालले बुद्ध फाउन्डेसनले गर्दै आएका कार्यहरु प्रशंसनीय रहेको उल्लेख गरिन् ।

फाउन्डेसनका उपाध्यक्ष अर्जुन कटुवालले सञ्चालन गरेको कार्यक्रममा फाउन्डेसनका सचिव सुरेन रूपाखेती, सहकोषाध्यक्ष निरञ्जन खड्का, युवा संयोजक किशोर राना मगर, सोसल मिडिया कोर्डिनेटर दीपक माइथाने मगर, कार्यसमिति सदस्य मिनबहादुर पुन, समाजसेवी गोविन्द बेल्वासे र सिद्धार्थ अधिकारीको उपस्थिति थियो ।

त्यस अवसरमा दूतावास र फाउन्डेसनबीच आगामी मे महिनामा आयोजना गरिने बुद्धजयन्ती कार्यक्रमको तयारीबारे पनि छलफल गरिएको थियो।

भर्खरै

Archives

छुटाउनुभयो कि?

तीन पुस्ता पछि गैर आवासीय नेपाली नागरिकता के हुने? स्पष्टता चाहियो

जिपिके फाउण्डेशनद्वारा सम्पादक निरौला लगायतलाई सम्मान पत्र प्रदान

अमेरिकी राष्ट्रपति चुनाव एक दृष्टि

राहदानी(पासपोर्ट) विनाको गैरआवासीय नागरिकताको औचित्य के ?

सुत्ने, उठ्ने, खाने समयलगायत प्राकृतिक जीवन शैली बिताए कोरोना जस्ता भाइरसबाट बचिने

‘एनआरएनएमा बिशेष अधिवेशनको औचित्य छैन’ – संस्थापक सचिव ढकाल

‘पपुलिष्ट एजेण्डाले एनआरएनए कब्जा गर्ने नियत’ – केन्द्रिय सल्लाहकार विश्व पण्डित

नेपाली जनसम्पर्क समिती यूरोपको पुनर्जन्म !? पृष्ठभूमि, पार्टीगत हक र अधिकार

Mobile Sliding Menu

Himalayamail.com