सुनिता गौतम नर्सिङ एसोसियसन यूकेको अध्यक्षमा निर्वाचित

लण्डन । बेलायतमा कार्यरत नेपाली नर्सहरुको छाता संगठन नेप्लिज नर्सिङ एसोसियसन यूकेको अध्यक्षमा सुनिता गौतम निर्वाचित भएकी छिन् । सस्थाको भर्चुअल रुपमा सम्पन्न भएको साधारण सभाले एशोसिएसनको सातौं कार्यसमितिको अध्यक्षमा गौतमलाई चयन गरेको हो ।

२००४ मा बेलायत आएसँगै नर्सिङ पेशामा आवद्ध भएकी गौतमलाई शनिवार सम्पन्न भएको एसोसियशनको भेलाले सर्वसम्मतीले अध्यक्षमा चयन गरेको हो । एशोसिएसनका अध्यक्ष विनोदविकास सिंखडा रहेको छैठौं कार्यसमितिको पूर्ण काल नोभेम्बर २०२० सकिए पनि कोरोनाको कारणले लगाएको प्रतिबन्धले ६ महिना थप गरिएको थियो ।

२००९ मा एसोसियसनमा आवद्ध भएकी गौतम सदस्य, सचिब, उपाध्यक्ष हुँदै अध्यक्ष जस्तो गरिमामय पदमा निर्वाचित भएकी हुन् । गौतम डरेन्ट भ्याली अस्पतालमा सिनियर नर्सको रुपमा कार्यरत छिन् । डानफर्ड नेप्लिज सोसाइटीको सांस्कृति संयोजक समेत रहेकी गौतम बेलायतको नेपाली समुदायमा परिचित एक कोरियोग्राफर समेत हुन् ।

नयाँ नेतृत्वको लागि संघकी पूर्वअध्यक्ष प्रसुना कंडेलको अध्यक्षतामा संघका पूर्वअध्यक्षहरु अजिता सिम्खडा, बासु लामिछाने, सुशीला कार्की र कार्यसमिती सदस्य टुका क्षेत्री सम्मिलित एक समितिले कार्य गरेको थियो ।

अध्यक्ष निर्वाचित भएकी गौतमलाई एसोसियसनकी सल्लाहकार प्रसुना कंडेलले कार्यकाल सफलताको कामना गर्दै बधाई ज्ञापन गरेकी छिन् ।

भर्खरै

Archives

छुटाउनुभयो कि?

तीन पुस्ता पछि गैर आवासीय नेपाली नागरिकता के हुने? स्पष्टता चाहियो

जिपिके फाउण्डेशनद्वारा सम्पादक निरौला लगायतलाई सम्मान पत्र प्रदान

अमेरिकी राष्ट्रपति चुनाव एक दृष्टि

राहदानी(पासपोर्ट) विनाको गैरआवासीय नागरिकताको औचित्य के ?

सुत्ने, उठ्ने, खाने समयलगायत प्राकृतिक जीवन शैली बिताए कोरोना जस्ता भाइरसबाट बचिने

‘एनआरएनएमा बिशेष अधिवेशनको औचित्य छैन’ – संस्थापक सचिव ढकाल

‘पपुलिष्ट एजेण्डाले एनआरएनए कब्जा गर्ने नियत’ – केन्द्रिय सल्लाहकार विश्व पण्डित

नेपाली जनसम्पर्क समिती यूरोपको पुनर्जन्म !? पृष्ठभूमि, पार्टीगत हक र अधिकार

Mobile Sliding Menu

Himalayamail.com