एनआरएनए इंग्ल्याण्ड राज्यका अध्यक्ष दीपक श्रेष्ठ आगामी निर्बाचनमा एनआरएनए यूके अध्यक्षको उम्मेदवार बन्ने

लन्डन । एनआरएनए यूके भावी अध्यक्षका आकांक्षीहरु मैदानमा उत्रने क्रम शुरु भइरहंदा एनआरएनए इंग्ल्याण्ड राज्य परिषदका अध्यक्ष दीपक श्रेष्ठ आगामी निर्वाचनमा एनआरएनए यूके अध्यक्षको उम्मेदवारी दिने बताउनु भएको छ ।

एक दशकदेखि एनआरएनए अभियानमा सक्रिय श्रेष्ठले यसअघि एनआरएनए यूकेकै कार्यसमितिमा पनि सदस्य र कोषाध्यक्षका रुपमा काम गरिसकेका छन् ।

बुद्ध फाउण्डेसन यूकेका संस्थापक अध्यक्ष समेत रहेका श्रेष्ठले एनआरएनएसहित सामाजिक संघसंस्थामा आफ्नो लामो सांगठनिक अनुभव, बेलायती समुदायका अग्रजको उत्कट चाहना र प्रोत्साहनसंगै संघमा आमुल सुधारको उद्धेश्य लिएर अध्यक्षमा उम्मेदवारी दिने सोच बनाएको बताए ।

एनआरएनए इंग्ल्याण्ड राज्य परिषदमा सफल नेतृत्वपछि श्रेष्ठलाई एनआरएनए यूके हांक्ने आत्मविश्वास बढेको धेरैको विश्वास छ । कतिपयले इंग्ल्याण्ड राज्य परिषदका गतिविधिले एनआरएनए यूकेलाई नै छायांमा पारिदिएको ठान्दथे ।

केही वर्षअघि मुछेत्र गुरुङ नेतृत्वको एनआरएनए यूके कार्यसमितिमा कोषाध्यक्षका रुपमा निभाएको सशक्त भूमिकाबाट दीपक श्रेष्ठ धेरैको मन जित्न सफल भएका थिए । त्यतिबेलैदेखि उनलाई एनआरएनए वृत्तमा भावी अध्यक्षको लागि सम्भावित पात्रका रुपमा लिन थालिएको थियो ।

’नेतृत्व सम्हाल्ने सहि समय यही हो भन्ने लाग्यो । जब जब संघ विवादको घेरावन्दीमा पर्छ, आफ्नो ट्रयाकबाहिर निस्कन्छ त्यो बेला एउटा इमान्दार सामाजिक कार्यकर्ता भएको नाताले चिन्ता बढ्ने रहेछ’, श्रेष्ठले भने, ’एनआरएन हामी सबैको साझा प्लेटफर्म हो । यसलाई अग्रगामी परिवर्तन गरि लैजाने दायित्व हामीमा आएको छ ।’ एनआरएनए यूकेमा अहिले आर्थिक अनियमितता र मुद्दा मामिलाका कुराले घटिरहेको साखप्रति श्रेष्ठको संकेत थियो ।

बेलायतको नेपाली समुदायका निर्विवाद अभियन्ता श्रेष्ठले जति काम गरे, अरुको भन्दा पृथक थियो । बुद्ध फाउण्डेसन यूकेका अध्यक्ष श्रेष्ठले लन्डनको मुटु ट्राफलगर स्क्वायरमा बुद्ध जयन्ती मनाउने परम्परा शुरु गरेर निकै प्रशंसा बटुले । भारतले बुद्ध आफ्नो देशमा जन्मिएको भ्रम छरिरहंदा दीपकको मन बेचैन हुन्थ्यो । अन्तर्राष्ट्रिय स्तरमा भारतीय भ्रम निराकरण गर्ने एउटै माध्यम उनले ट्राफलगर स्क्वायरमा बुद्ध जयन्ती मनाउने सोच निकाले ।

त्यसपछि बुद्ध फाउण्डेसन यूके र कपिलवस्तु समाज यूकेको आयोजना तथा लन्डनस्थित नेपाली दूतावास, एनआरएनए यूके, नेपाल पर्यटन बोर्ड बेलायत आदि संस्थाको सहकार्यमा लन्डनको मुटुमा बुद्ध जयन्ती मनाउन थालियो ।

 

बुद्ध फाउण्डेसन यूकेले कपिलवस्तुमा वुद्ध वृद्धाश्रम पनि निर्माण गरिरहेको छ ।

श्रेष्ठ एनआरएनए यूके इंग्ल्याण्ड राज्य परिषदको अध्यक्ष भएपछि यसले धेरै उल्लेखनीय कार्य गरेको छ । २१ मार्चमा सम्पन्न बेलायतको राष्ट्रिय जनगणनामा नेपाली पहिचान स्थापित गर्न परिषदले अभियान नै शुरु गरेर बेलायतमा एउटा बेग्लै माहोल सृजना गरिदिएको थियो ।

परिषदले शनिबार लन्डन वुलवीच–ब्राइटन च्यारिटी साइकल यात्रा गर्यो । उक्त इभेन्टमार्फत संकलित रकममध्ये हेल्प नेपाल नेटवर्कद्वारा धुलिखेलमा सञ्चालित बालगृहलाई ४ लाख रुपैयां र बुद्ध फाउण्डेशन यूकेद्वारा कपिलवस्तुमा निर्माणाधिन बुद्ध वृद्धाश्रमका लागि एकलाख ९२ हजार रुपैयां हस्तान्तरण गरिसकिएको छ ।

परिषदले ’नेपालमा गैरआवासीय नेपालीहरुको सम्पतिको अधिकार र नागरिकता निरन्तता’ बारे एक अन्तरक्रिया गरि अल्डरसट सुझावपत्र जारी गरेको थियो । गैरआवासीय नेपाली संघले लामो समयदेखि उठाउंदै आएको नागरिकता निरन्तरता र सम्पतिको अधिकारका सम्बन्धमा सहभागीहरुबाट प्राप्त सुझावका आधारमा गैरआवासीय नेपाली कानून र गैरआवासीय नेपाली नागरिकतामा हुनुपर्ने व्यवस्था सम्वन्धमा कार्यक्रममा जोड दिइएको थियो ।

 

 

परिषदले बेलायतमा कोभिड १९ महामारी बढिरहंदा एनआरएनए यूकेसंग मिलेर नेपाली समुदायमा विभिन्न सहयोगहरु सञ्चालन गरेको थियो । एनआरएनए यूके कोभिड सहायता अभियानका लागि आवश्यक कोष संकलनको नेतृत्व पनि श्रेष्ठले नै गरेका थिए । तेस्तै बेलायेत्को जनगणनामा सक्रिय भएर ईथिनिक ग्रुप नेपाली र धर्म हिन्दु भाषा नेपाली कायम गराउन प्रचारात्मक अभियान चलाउनु भएको थियो।

हंसिलो स्वभाव, च्यारिटीमा सधैं अग्रस्थान, विवादरहित स्वच्छ छवि एवं संस्था र जिम्मेवारीप्रति सधैं लगनशील, इमान्दार भएका कारण पनि दीपक नेपाली समुदायमा प्रिय बने । अर्कालाई होच्याएर, मन दुखाएर वा खुट्टा तानेर आफू माथि चढ्ने उनको मनसाय कहिल्यै देखिएन ।

यसपटकको एनआरएनए यूके नेतृत्व दौडमा पनि दीपकलाई यहाँस्थित नेपाली संघसंस्थाको बलियो साथ मिलेको छ । ‘बेलायतका मुख्य मुख्य संघसंस्थासंग मैले शुरुदेखि नै छलफल र सल्लाह गर्दै आएको छु । सबैको साथ र सहभागिता जुटाउँदै एनआरएनए यूकेलाई बेलायतका सबै नेपालीको साझा र साँच्चीकै अभिभावक संस्था बनाउने संकल्पसहित म अघि बढेको छु’, उनले भने ।

व्यवसाय र समाजसेवा दुवैमा अगाडि


बेलायतका सफल युवा नेपाली व्यवसायीका रुपमा स्थापित छन् श्रेष्ठ । सन् २००७ मा बेलायत आएदेखि नै उनले व्यवसायिक र सामाजिक जीवनलाई संगसंगै अघि बढाउँदै ल्याएका छन् ।

श्रेष्ठको बेलायतमा क्यास एण्ड क्यारी, पब र प्रोपर्टी व्यवसाय छ भने नेपालमा बेलुन नेपाल प्रा. लि., लुम्बिनी क्रसर प्रा. लि., हिमालयन ग्लोवल इन्भेष्टमेन्ट प्रा.लि.मार्फत विभिन्न व्यवसाय चालु छन् ।

बेलुन प्रालि नेपाल, काठमाडौंले नेपालमा पहिलोपटक पर्यटकीय नगरी पोखरामा ‘हट एयर’ बेलुन सेवा शुरु गरि पोखराको मनोरम दृश्यावलोकन गर्ने व्यवस्था गरेको छ ।

उक्त साहसिक खेलले नेपालको पर्यटनको क्षेत्रमा छुट्टै पहिचान बनाउन सफल भएको छ ।

श्रेष्ठ चलचित्र निर्माता पनि हुन् । उनको समेत लगानी रहेको नेपाली चलचित्र ’निरफुल’ प्रदर्शनको तयारीमा छ ।

चाँडै एक औपचारिक कार्यक्रममार्फत् आफ्नो उम्मेदवारी घोषणा र प्रतिबद्धतापत्र सार्वजनिक गर्ने श्रेष्ठले बताएका छन् ।

भर्खरै

Archives

छुटाउनुभयो कि?

तीन पुस्ता पछि गैर आवासीय नेपाली नागरिकता के हुने? स्पष्टता चाहियो

जिपिके फाउण्डेशनद्वारा सम्पादक निरौला लगायतलाई सम्मान पत्र प्रदान

अमेरिकी राष्ट्रपति चुनाव एक दृष्टि

राहदानी(पासपोर्ट) विनाको गैरआवासीय नागरिकताको औचित्य के ?

सुत्ने, उठ्ने, खाने समयलगायत प्राकृतिक जीवन शैली बिताए कोरोना जस्ता भाइरसबाट बचिने

‘एनआरएनएमा बिशेष अधिवेशनको औचित्य छैन’ – संस्थापक सचिव ढकाल

‘पपुलिष्ट एजेण्डाले एनआरएनए कब्जा गर्ने नियत’ – केन्द्रिय सल्लाहकार विश्व पण्डित

नेपाली जनसम्पर्क समिती यूरोपको पुनर्जन्म !? पृष्ठभूमि, पार्टीगत हक र अधिकार

Mobile Sliding Menu

Himalayamail.com