अन्तरिक्षमा फोहोर कम गर्न जापानले विश्वको पहिलो काठको भूउपग्रह बनाउने

टोक्यो। एउटा जापानी कम्पनी र क्योटो विश्वविद्यालयले सन् २०२३ सम्ममा काठबाट निर्माण गरिएको विश्वको पहिलो भूउपग्रह बनाउन सहकार्य गरेका छन्।

सुमिटोमो फरेस्ट्री कम्पनीले अन्तरिक्षमा काठको प्रयोगका बारेमा अनुसन्धान सुरु गरेको बताएको छ। सहकार्यको सुरुवातमा विभिन्न प्रकारका काठहरू पृथ्वीका कठिन वातावरण भएका स्थानमा परीक्षण गरिने बताइएको छ।

बीबीसीका अनुसार अन्तरिक्षमा धेरै भूउपग्रहहरू छोड्ने क्रम बढेसँगै त्यहाँको फोहोर समस्या बन्न थालेको छ। काठबाट निर्मित भूउपग्रह अन्तरिक्षमै बलेर ध्वस्त हुने र त्यसले कुनै हानिकारक तत्त्व नछोड्ने वा पृथ्वीमा नखस्ने बताइएको छ।

“भूउपग्रह पृथ्वीको आकाशमा फर्कँदा जल्ने र त्यसले त्यहाँ छोड्ने हानिकारक तत्त्व वर्षौँ रहने कुराले चिन्तित छौँ,” क्योटो विश्वविद्यालयका प्राध्यापक एवम् जापानी अन्तरिक्ष यात्री टाकाओ दोईले बताए। “यसले पृथ्वीको आकाशलाई असर गर्छ।”

पृथ्वीलाई परिक्रमा गर्ने झन्डै ६,००० भूउपग्रहहरू छन् र तीमध्ये ६० प्रतिशत उपयोगविहीन अर्थात् फोहोरका रूपमा रहेका छन्।

युरोकन्सल्ट नामक संस्थाका अनुसार यो दशकमा प्रत्येक वर्ष ९९० भूउपग्रह प्रक्षेपण गरिनेछन् जसको अर्थ सन् २०२८ सम्ममा पृथ्वीलाई परिक्रमा गर्ने १५,००० भूउपग्रह हुनसक्ने छन्।

इलोन मस्कको स्पेसएक्सले ९०० भन्दा बढी भूउपग्रह छोडेको छ र अझै हजारौँ प्रक्षेपण गर्ने योजनामा रहेको छ। अन्तरिक्षमा भूउपग्रह प्रतिघण्टा ३६,००० किलोमिटरको गतिमा घुम्छन् जसका कारण ती ठोक्किँदा ठूलो क्षति हुनसक्छ। दोई सन् २००८ को मार्चमा अन्तर्राष्ट्रिय अन्तरिक्ष स्टेसन पुगेका थिए।

सुमिटोमो फरेस्ट्री ४०० वर्षअघि स्थापित कम्पनी हो। कम्पनीका प्रवक्ताले प्रयोग हुन लागेका काठ हाललाई गोप्य राखिएको बताए।

अन्तरिक्षमा धेरै यान र भूउपग्रहहरू प्रक्षेणण गर्ने क्रम बढी रहँदा पृथ्वीमा अन्तरिक्ष फोहरहरू खस्न सक्ने जोखिम पनि बढ्ने विज्ञहरू बताउँछन्। वैज्ञानिकहरू अन्तरिक्षबाट ती फोहोर हटाउने विभिन्न उपायहरूबारे अध्ययन गरिरहेका छन्।

भर्खरै

Archives

छुटाउनुभयो कि?

जिपिके फाउण्डेशनद्वारा सम्पादक निरौला लगायतलाई सम्मान पत्र प्रदान

अमेरिकी राष्ट्रपति चुनाव एक दृष्टि

राहदानी(पासपोर्ट) विनाको गैरआवासीय नागरिकताको औचित्य के ?

सुत्ने, उठ्ने, खाने समयलगायत प्राकृतिक जीवन शैली बिताए कोरोना जस्ता भाइरसबाट बचिने

‘एनआरएनएमा बिशेष अधिवेशनको औचित्य छैन’ – संस्थापक सचिव ढकाल

‘पपुलिष्ट एजेण्डाले एनआरएनए कब्जा गर्ने नियत’ – केन्द्रिय सल्लाहकार विश्व पण्डित

नेपाली जनसम्पर्क समिती यूरोपको पुनर्जन्म !? पृष्ठभूमि, पार्टीगत हक र अधिकार

आफ्नो हातमा परेको पारसमणिलाइ चिनौ र मनुष्य जीवनको सार्थकता खोजौ !

Mobile Sliding Menu

Himalayamail.com