बेलायतको ‘मिनी बजेट’ बारे एकाउण्टेन्टहरुको बहस , सेप्टेम्बरमा रेस्टुरेन्ट र क्याटरिंग ब्यवसायीहरुसंग हुने

लण्डन। बेलायतमा कार्यरत नेपाली एकाउण्टेन्टहरूको संस्था, नेप्लिज एकाउण्टेन्ट्स एसोसियसन युके, ले बेलायत सरकारले यसै महिना सार्वजनिक गरेको ‘मिनी बजेट’ बारे बेलायतमा ब्यापार व्यवसाय गरिरहेका नेपाली ब्यवसायीहरूसंग जूम मार्फत अन्तरक्रिया गरेको छ ।

ब्रिटिश अर्थ मंत्री ऋषि सुनकले सार्वजनिक गरेको मिनी बजेटका मुख्य बुंदाहरु र त्यसबाट कसरी लाभान्वित हुने भन्ने बारे छलफल केन्द्रित रहेको थियो।

कार्यक्रममा चार्टर्ड एकाउण्टेन्टद्वय युवराज न्यौपाने तथा गौरव बरालले कार्यपत्र प्रश्तुत गरेका थिए। छलफलमा जब रिटेन्शन स्किम, फर्लो, बाइ टु लेट प्रपर्टी आदि विषयमा वरिष्ठ एकाउण्टेन्ट्सहरु एलएन पाण्डे, हरिहर उपाध्याय, लेखनाथ घिमिरे, कृष्ण भट्टराई लगायतले दर्शक, श्रोताहरुका जिज्ञासाको जवाफ दिएका थिए।

“हामीले गत जुन महिनामा कोरोना भाइरस (कोभीड-१९) को संक्रमण रोक्न गरिएको लकडाउनबाट नेपाली ब्यवसायीहरूलाई परेको असर र बेलायत सरकारले घोषणा गरेका राहत प्याकेजबारे नेपाली व्यवसायीहरुलाई जानकारी गराउन एउटा वेबिनार आयोजना गरेका थियौं। उक्त वेबिनारबारे हामीलाई प्राप्त सकारात्मक प्रतिक्रिया र व्यवसायीहरुको आग्रह बमोजिम यो कार्यक्रम आयोजना गरेका हौँ,” नेप्लिज एकाउण्टेन्ट्स एसोसियसन युकेका अध्यक्ष सरोज सापकोटाले भने ।

“कोभिड १९ संक्रमण लगत्तै ब्रिटिश सरकारले यहांका व्यवसायीहरुको हितका लागि थुप्रै योजनाहरु सार्वजनिक ग-यो । तर बेलायतस्थित व्यवसायीहरुले तिनबाट चाहे जति लाभ लिन सकेको देखिएन । त्यसैले संस्थागतरुपमा हामीले यस्तो पहल गरेका हौँ,” नेप्लिज एकाउण्टेन्ट्स एसोसियसन युकेका महासचिव शशिधर नेपालले भने ।

कार्यक्रमको संचालन वरिष्ठ एकाउण्टेन्ट शिव सैंजुले गरेका थिए भने वरिष्ठ एकाउण्टेन्ट तथा कर सम्बन्धी सल्लाहकार समिर प्याकुरेलले धन्यवाद ज्ञापन गरेका थिए।

सो संस्थाले बेलायतमा रहेका नेपाली रेस्टुरेन्ट तथा क्याटरिंग ब्यवसायीहरुका लागि अकाउंट तथा कर सम्बन्धी जानकारी दिन आउँदो सेप्टेम्बर महिनामा अर्को वेबिनार संचालन गर्ने योजना बनाइ रहेको पनि जनाएको छ ।

भर्खरै

Archives

छुटाउनुभयो कि?

नेदर्ल्याण्डमा नेपाली समुदायको एक झलक

सबैलाई डर देखाउने मृत्यु के हो र यो भयबाट कसरि मुक्त रहने?

आमा भन्नुहुन्थ्यो-एउटा हातले दिएको अर्को हातले पनि थाहा नपाओस,गोप्य दान महादान हो

नेपालका प्रतिनिधि राई संयुक्त राष्ट्रसङ्घको आर्थिक समितिको अध्यक्षमा निर्वाचित

यो कोरोना कहरमा मैले देखेको संजीवनी सबैलाई उपयोगी बनोस

कोरोनासम्बन्धी बेलायत र नेपाल सरकारका नीति कमजोर : डा पदम सिम्खडा

सिनियर नर्स उर्मिला श्रेष्ठको आफ्नै कथा ब्यथा : कोरोना, मेरो काम र मेरो परिवार

लकडाउनको मोडेल परिवर्तन गरौँ : डा. रवीन्द्र पाण्डे, जनस्वास्थ्य विज्ञ

Mobile Sliding Menu

Himalayamail.com