बागलुङमा समुदायस्तरमा फैलियो कोरोना

बागलुङ । छिमेकी पर्वतमा साता अघिनै समुदायमा देखिएको कोरोना भाइरस संक्रमण शनिवार बागलुङमा पनि क्वारेन्टाइन भन्दा बाहिर देखिएको छ ।

कर्मचारी क्षेत्रमा पहिलो पटक कोरोना संक्रमण देखिएपछि दोश्रो चरणको संक्रमण पुष्टी भएको स्वास्थ्यकर्मीले बताए । जिल्लामा पहिलो पटक क्वारेन्टाइनमा बसेका व्यक्ति भन्दा बाहिरका मानिसमा कोरोना भाइरस संक्रमण देखिएको उनीहरुले जानकारी दिए ।

शनिवार राती आएको रिपोर्टमा बागलुङका ३ जनाको पोजेटिभ रिर्पोट आएको हो । यसरी रिपोर्ट आउनेहरुले सामाजिक दुरी कायम नगरेको, होम क्वारेन्टाइनमा समेत नबसेको भेटिएको हो । ती व्यक्तिमा कोरोना पोजेटिभ भएको थाहा भएपछि यहाँका सरकारी कार्यालय, सामाजिक संस्था समेतमा आकस्मिक बैठक बसिरहेको बताइएको छ ।

संक्रमण पुष्टी भएकाहरु सँग सम्पर्कमा रहेका कर्मचारी तथा व्यक्तिलाइ घरमै बस्न सल्लाह दिइएको छ । जिल्ला स्वास्थ्य कार्यालयका प्रमुख सुरज गुरौले बाहिर देखिएको थाहा भएको बताए । उनले तत्काल सामाजिक दुरी कायम गर्ने र कन्ट्रयाक्टमा रहेका मानिसको खोजी र परीक्षण बढाउनुपर्ने बताए । उनले कुनै क्षेत्र सिल गर्ने भन्दा सचेत बन्ने काम बढी महत्वपूर्ण भएको बताए । असार मसान्त भएकोले कतिपय कार्यालयमा कामकाजी भीड जम्मा भैरहेको छ । भीडकै कारण संक्रमण फैलने भएकोले सामाजिक दुरी कायम गर्ने सबालमा भने कडाई गर्न जिल्ला कमाण्ड पोष्टमा पनि छलफल भएको उनले जानकारी दिए । बाहिर देखिएकोले कोरोनाको दोश्रो चरण सुरु भएको एक स्वास्थ्यकर्मीले बताए ।

शनिबार राती कोरोना पुष्टि भएका बागलुङको काठेखोला गाउँपालिकाका ५ जनामध्ये ३ जना समुदायका हुन् । कोरोना पुष्टि भएका दुई जना भारतबाट आएर क्वारेन्टाइनमा बसेका हुन भने ३ जना क्वारेन्टाइन व्यवस्थापनमा खटिएकाहरु रहेको काठेखोला गाउँपालिकाका प्रमुख प्रशासकिय अधिकृत खिम बहादुर विकले जानकारी दिए ।

क्वारेन्टाइन व्यवस्थापनमा खटिएका दुई जना काठेखोला गाउँपालिकाका वडा नम्बर ५ बिहुँका हुन भने अर्का एकजना सल्यान जिल्लाको बागचौर नगरपालिका घर भई हाल बागलुङका कार्यरत सुरक्षाकर्मी हुन् ।

 

भर्खरै

Archives

छुटाउनुभयो कि?

आमा भन्नुहुन्थ्यो-एउटा हातले दिएको अर्को हातले पनि थाहा नपाओस,गोप्य दान महादान हो

नेपालका प्रतिनिधि राई संयुक्त राष्ट्रसङ्घको आर्थिक समितिको अध्यक्षमा निर्वाचित

यो कोरोना कहरमा मैले देखेको संजीवनी सबैलाई उपयोगी बनोस

कोरोनासम्बन्धी बेलायत र नेपाल सरकारका नीति कमजोर : डा पदम सिम्खडा

सिनियर नर्स उर्मिला श्रेष्ठको आफ्नै कथा ब्यथा : कोरोना, मेरो काम र मेरो परिवार

लकडाउनको मोडेल परिवर्तन गरौँ : डा. रवीन्द्र पाण्डे, जनस्वास्थ्य विज्ञ

‘मैले धेरै पटक आफुलाई छामीरहेँ, बाँचेको विश्वास नै भएन’

कोरोनासँगको त्यो जुहारी, एक अनुभूति र केहि सुझाबहरु

Mobile Sliding Menu

Himalayamail.com