कोरोनालाइ घरमै परास्त गरेकी नर्स राधिका र उनका श्रीमान भन्छन : सकारात्मक सोच , सहयोग र आत्मबिस्वास ठुलो कुरा

(प्रस्तुति : बिपिन निरौला)

लण्डन । कोरोनालाइ घरमै परास्त गरेकी लण्डन नजिकैको रम्फोर्डस्थित क्विन्स हस्पिटलमा कार्यरत सिनियर नर्स राधिका श्रेष्ठ अझै पनि घरमै आराम गरिरहेकी छन् । उनका श्रीमान शरद श्रेष्ठ पनि १२ दिनको ज्वरो पश्चात छातीको संक्रमणको “एन्टीबायोटिक” औषधि सेबन गरेर छुट्टै कोठामा “आइसोलेशन” मा बसिरहेका छन् ।

करिब दुइ साता अघिको कुरा हो – राधिका आफ्नो नियमित काम क़ुइन्स हस्पिटलको ‘स्ट्रोक’ वार्ड मा काम गरिरहेकी थिइन् । एकजना सहकर्मीले अर्को सहकर्मीको नातेदार कोरोना संक्रमण ( कोभिड-१९ पोजिटिभ ) का कारण दुखद निधन भएको समाचार सुनायो । राधिका लाइ सारै नरमाइलो लाग्यो । आफ्नो अतिमिलनसार सहकर्मीलाइ परेको शोकले राधिकालाई धेरै दुखिद तुल्यायो । दिनभरी उनि ‘अप्सेट’ भइन। त्यो दिन त्यति राम्ररी खाना पनि रुचेन । भोलिपल्ट १२ घन्टे लामो काम (लंग डे डिउटी ) थियो । काम सिध्याएर घर आइन । जिउ अलि भारि भारि , गले जस्तो अनुभब भयो । काम को थकानले होला भन्ने ठानिन अनि खाना खाएर सुतिन । राति अचानक उनको शरीर अत्याधिक तात्यो , उठेर ‘थर्मामिटर’ ले जाच्दा १०२ को उच्च ज्वरो आएको देखायो । तुरुन्तै ५ सय ‘एमजी’ को दुइ वटा पारासिटामोलको गोलि खाइन। उनलाई यस अघि कहिल्यै त्यसरी ज्वरो आएको थिएन । बिहान काममा जान खोज्दा शरीर पुरै दुखे जस्तो भएर उठ्नै सकिनन् । उठ्न खोज्दा रिंगटा लागे जस्तो भयो । फेरी ओच्छ्यान्मै सुतिन। काममा फोन गरेर आफ्नो स्वास्थ्य स्थिति ठिक नभएको र आउन नसक्ने जानकारी दिइन।

दोस्रो , तेस्रो र चौथो अर्थात् चार दिनसम्म यो प्रक्रिया चली रहयो । त्यसबीचमा राधिकाले आफुले काम गर्ने हस्पिटलमा आफ्नो स्वास्थ्यको स्थितिबारेमा जानकारी दिइरहिन । पहिला उनीलाई सात दिन सम्म आराम गर्न भनियो । तर जब उनलाई अलि सारो भएको र खाना पनि रुच्न छाडेपछि भने थप १ सात अर्थात् १४ दिन आराम गर्न भनियो र हस्पिटलबाट कोभिड ‘टेस्ट’ को लागि समय (अपोइन्टमेन्ट) दिइयो। टेस्ट सेन्टरमा आफ्नो गाडी भएका मात्रले गर्न पाउने हुनाले उनका श्रीमानले गाडी चलाएर टेस्ट सेन्टर लागे । तीन दिन पछि उनलाई कोभिड पोजिटिभ अर्थात् कोरोना संक्रमण भएको पुस्टि भयो ।

त्यसबीचमा राधिकाका श्रीमान् शरद श्रेष्ठ जो श्रीमती र २ छोरा छोरीको हेरबिचार गर्न काममा बिदा लिएर बसेका थिए उनलाई समेत संक्रमण भैसकेको रहेछ । अब राधिकालाई झन् फसाद पर्यो । श्रीमान् एउटा कोठामा , श्रीमती अर्को कोठामा र छोरा छोरी अर्को भिन्दै कोठामा सुत्नु पर्ने बाध्यता आइलाग्यो । तर पनि राधिकाले हिम्मत हारिनन । राधिका अलि अलि ठिक हुन थालिन । ज्वरो आउन छाड्यो । राधिकाका श्रीमान् लाइ भने करिब १२ दिन सम्म ज्वरो आइरह्यो । अझैपनि उनि छुट्टै कोठामा बस्ने र अलग्गै बाथरुम प्रयोग गर्छन । आफु बिरामी हुदा काममा बिदा लिएर आफ्नो र २ छोरा छोरीको स्याहार सुसार गरेका श्रीमानको औषधि , खाना लगायत सम्पूर्ण रेखदेख अहिले राधिकाको काधमा छ । एकप्रकारले घर मै नर्सिङ्गको जस्तो काम गरिरहेकी छिन राधिका । उनलाई कामबाट समेत श्रीमान् पूर्णतया सन्चो नहुन्जेलसम्म बिदा दिइएको छ ।

बिगत दुइ सातामा आफु र श्रीमान् दुवै एकै पटक बिरामी पर्दाका दिनहरु कहाली लाग्दो भएको राधिकाको स्मरण छ । तर सकारात्मक सोच , आत्मबिस्वास र केहि ठुलो मन भएका साथीहरुको ठुलो सहयोगले श्रेष्ठ परिवारलाई कोरोनालाइ घर मै बसेर परास्त गर्न सफल भएको उनीहरुको कथन छ -” दाजु ,भाउजु , बहिनि लगायतका नातेदारहरुले शपिंग लगायत पकाएको खाना बिहान , बेलुकी ल्याई दिएर ठुलो गुण लागाउनु भयो ।”

त्यसैगरी पारिवारिक साथी तथा दाजु पर्ने ब्यबसायी दिपक श्रेष्ठ र नर्स समेत रहेकी उनकी श्रीमतीले समेत दैनिक जस्तो फोन गरेर सान्त्वना दिने मात्र होइन धेरै पटक पकाएको खानेकुरा समेत ल्याई दिएर बिर्सिनै नसक्ने ठुलो सहयोग गरेको श्रेष्ठ दम्पतिले बताए – “कुनै समय परिवारका सबै सदस्य घर भित्रै मस्क लगाएर २ मिटरको दुरीमा रहेर समेत संगै खाना खायौ । ” नेपालबाट समेत पारिवारका सदस्य तथा डाक्टर किशोर ताम्राकारले दिनहु जसो फोन गरेर सल्लाह र हिम्मत दिनु भएकोमा समेत कोरोनालाइ जित्न सक्ने तागत आफुहरुमा आएको श्रेष्ठ दम्पतिको भनाइ छ । यस्तो बेला परिवारका सदस्यहरु , नातेदार र साथीभाईको सहयोग र टेलिफोन कलबाट सान्त्वना , सल्लाह र सम्झना मात्रले पनि ठुलो आत्मबल मिल्ने श्रेष्ठ परिवारको अनुभब छ ।

नर्स समेत रहेकी राधिका आफ्नो जस्तो अवस्था अरुलाई नपरोस भन्न सचेत रहन आग्रह गर्छिन । घर बाहिर काममा वा शपिङ्ग गर्न जादा होस् पन्जा लागाउने, ह्यान्ड सेनी टाईजर प्रयोग गर्ने र घरमा आउना साथ लगाएको लुगा वाशिंग मेसिनमा राख्ने या कुनै सुरक्षित प्लास्टिक ब्यागमा राख्ने , जुत्ता- चप्पल ‘वाइप्स’ ले राम्ररी पुछ्ने , अनि नुहाएर मात्र अन्य परिवारका सदस्य हरुलाई भेट्ने साबधानी अपनाउन आग्रह गर्छिन ।

तर यदि कसैलाई आफ्नो जस्तै लक्षण देखापरेर बिरामी हुनु भएको छ भने हिम्मत नहार्न र अत्मबिस्वासले मन दरो पारेर सकेसम्म फलफुल , सुप र पौष्टिक तत्व (ब्यालेन्स डाइट) ले भरिएको खानेकुरा खान सल्लाह दिन्छिन । बेसार पानी , अदुवा पानी , कागती- मह मिसाएर (हट लेमन एण्ड हनी ) लगायतको आफ्नो स्वाद र स्वास्थ्यलाई मिल्ने हाम्रो परम्परागत नेपाली घरेलु उपचार समेत जारि राख्न सल्लाह दिन्छिन । तर ज्वरो आएको छ भने नछुटाई ४ देखि ६ घण्टाको फरकमा परासिटामोल सेबन गर्न र स्वस्प्रस्वासको समस्या भएमा बेलायतमा रहनुभएकाहरुको हकमा १११ मा फोन गर्न सल्लाह दिन्छिन। उनि फेरी पनि सबैलाइ आत्मबल दरो बनाएर बस्न बिनम्र आग्रह गर्छिन।

 

Archives

छुटाउनुभयो कि?

कोरोनासँगको त्यो जुहारी, एक अनुभूति र केहि सुझाबहरु

काठमाडौँ आउन गृहको लिखित स्वीकृति चाहिने, अन्तरजिल्ला पास खारेज

कोरोनाको कहरमा स्कटल्याण्डमा काशिरामको समाजसेवा

भारतीय र चिनियाँ सुरक्षाकर्मीबीच सिक्किम क्षेत्रमा भिडन्त

सामान्य कुरा जसले कोरोना संक्रमण बढ्न दिदैनन् : डा. रवीन्द्र पाण्डे, जनस्वास्थ्य विज्ञ

नेपालको संविधानको मनसाय

‘भय र पक्षधरतामुक्त पत्रकारिता’ : यस वर्षको विश्व प्रेस स्वतन्त्रता दिवस को नारा

कोरोना संक्रमण र मुटुरोग बाट कसरि बच्ने ?

Mobile Sliding Menu

Himalayamail.com