नेकपा केन्द्रीय कमिटी बैठक आज सकिँदै

काठमाडौं। माघ १५ गतेदेखि राजधानीको राष्ट्रियसभा गृहमा जारी नेकपा केन्द्रीय कमिटी बैठकमा केन्द्रीय सदस्यहरुले उठाएका प्रश्नको अध्यक्षद्वय र महासचिवले जवाफ दिने कार्यक्रम रहेको छ।

केन्द्रीय सदस्यहरुले उठाएको प्रश्नको जवाफ अध्यक्षद्वय केपी ओली र प्रचण्ड र महासचिव विष्णु पौडेलले दिने कार्यक्रम रहेको छ। विशेष गरी सरकारको कामको चर्को आलोचना भएपछि प्रधानमन्त्रीसमेत रहेका अध्यक्ष केपी ओलीले पनि केन्द्रीय सदस्यहरुले उठाएका प्रश्नको जवाफ दिने भएका हुन्।

बैठक उद्घाटन सत्रमा प्रधानमन्त्री ओलीले सरकारले गरेका कामको फेहरिस्त प्रस्तुत गरेका थिए। दुई अध्यक्षको तर्फबाट अध्यक्ष प्रचण्डले राजनीतिक प्रतिवेदन पेश गरेका थिए। विभिन्न १५ समूह बनाएर अध्यक्षको राजनीतिक प्रतिवेदनमाथि छलफल भएको थियो।

अध्यक्षको प्रतिवेदनमाथिको छलफल शनिबार सकिएको थियो। विशेष गरी एमसीसीको विषयमा केन्द्रीय कमिटी बैठकमा चर्को आलोचना भएको थियो। यसैगरी सरकारको कामको विषयमा पनि सदस्यहरुले आलोचना गरेका थिए। नेताहरुको सम्तपत्ति सार्वजनिक गर्नुपर्ने लगायतका माग केन्द्रीय सदस्यहरुले राखेका थिए।

प्रधानमन्त्री ओली बैठकको सुरुको दिनपछि उपस्थित भएका थिएनन्। तर आज भने प्रधानमन्त्री ओली बैठकमा सहभागी हुने र केन्द्रीय सदस्यहरुले उठाएका प्रश्नको जवाफ दिने प्रधानमन्त्रीका प्रेस सल्लाहकार एवं नेकपा प्रचार विभाग उपप्रमुख सूर्य थापाले जानकारी दिए।
डिसी नेपाल

भर्खरै

Archives

छुटाउनुभयो कि?

तीन पुस्ता पछि गैर आवासीय नेपाली नागरिकता के हुने? स्पष्टता चाहियो

जिपिके फाउण्डेशनद्वारा सम्पादक निरौला लगायतलाई सम्मान पत्र प्रदान

अमेरिकी राष्ट्रपति चुनाव एक दृष्टि

राहदानी(पासपोर्ट) विनाको गैरआवासीय नागरिकताको औचित्य के ?

सुत्ने, उठ्ने, खाने समयलगायत प्राकृतिक जीवन शैली बिताए कोरोना जस्ता भाइरसबाट बचिने

‘एनआरएनएमा बिशेष अधिवेशनको औचित्य छैन’ – संस्थापक सचिव ढकाल

‘पपुलिष्ट एजेण्डाले एनआरएनए कब्जा गर्ने नियत’ – केन्द्रिय सल्लाहकार विश्व पण्डित

नेपाली जनसम्पर्क समिती यूरोपको पुनर्जन्म !? पृष्ठभूमि, पार्टीगत हक र अधिकार

Mobile Sliding Menu

Himalayamail.com