सेयर बजारमा सुधार

काठमाडौं । लामो समयदेखि लगातार ओरालो लागेको सेयर बजारमा केही दिनयता सुधार देखिएको छ । साताको पहिलो दिन दोहोरो अंकले बढेको बजारमा बुधबार पनि उभार आएपछि लगानीकर्ताहरु हौसिएका छन् ।

सबैभन्दा बढी सोमबार नेप्से परिसूचक एकैचोटि ४३ अंकले बढेको थियो । मंगलबार थोरै गिरावट आए पनि बुधबार पुनः बजार २०.८५ अंक माथि उक्लेको छ । नेप्से परिसूचक एक हजार २ सय ८४.२३ कायम भएको छ ।

कारोबार रकम पनि यस साता उच्च देखिएको छ । २ दिन लगातार अर्ब माथि भएको कारोबार बुधबार पनि अर्ब नजिकै पुग्यो । नेपाल स्टक एक्सचेञ्जका अनुसार बुधबार ९० करोड ४८ लाख १३ हजार ९३२ रुपैयाँ बराबरका सेयर खरिदबिक्री भएका छन् ।

तर, यो साता देखिएको हरियालीबाट लगानीकर्ता दंग भए पनि यो उभार कहिलेसम्म टिक्ला भन्ने चिन्ता उत्तिकै छ ।

नेप्से परिसूचक केही वर्षअघि नै १ हजार ८ सय ८१ को विन्दुमा पुगिसकेको हो । तर त्यसयता निरन्तर ओरालो लाग्दा बजार १ हजार १ सयको हाराहारीमा घुमिरहेको थियो ।

बैंक तथा वित्तीय संस्थाहरुमा अहिले तुलानात्मक हिसाबले कर्जा प्रवाह राम्रो छैन । कर्जाको माग जुन हिसाबले हुनु पर्ने थियो त्यो नभएको बैंकरहरु बताउँछन् । कर्जाको माग कम हुँदा अहिले बैंकमा लगानीयोग्य रकम पर्याप्त छ ।

यसको असर अहिले सेयर बजारमा देखिएको पूर्बबैंकर अनलराज भट्टराई बताउँछन् । तरलता सहज हुँदा मार्जिन लेण्डिङ कर्जामा पनि सुधार भएको उनको भनाइ छ ।

‘बजार बढ्नु पर्ने नै हो, घट्नुपर्ने त्यस्तो केही कारण छैन,’ उनी भन्छन्, ‘अहिले तरलता सहज भयो र बजारप्रति सकारात्मक धारणा पनि बनेका कारण त्यसको प्रभाव बजारमा देखिएको छ ।’

उनले पछिल्लो समय अर्थमन्त्री डा. युवराज खतिवडाका भनाइहरु पनि सकारात्मक देखिएकाले पनि मनोवैज्ञानिक असर परेको हुनसक्ने बताए ।

सेयर बजारका विज्ञ अम्बिका प्रसाद पौडेल पनि तलरता सहज हुँदाको असर सेयर बजारमा सकारात्मक देखिएको बताउँछन् । घट्नु पर्ने खास कारण नभएको र बजार बढ्नै पर्ने बेला भएकाले पनि यहाँ धेरै कारणहरु नभएको उनले बताए ।

अनलाइन खबर

भर्खरै

Archives

छुटाउनुभयो कि?

नेदर्ल्याण्डमा नेपाली समुदायको एक झलक

सबैलाई डर देखाउने मृत्यु के हो र यो भयबाट कसरि मुक्त रहने?

आमा भन्नुहुन्थ्यो-एउटा हातले दिएको अर्को हातले पनि थाहा नपाओस,गोप्य दान महादान हो

नेपालका प्रतिनिधि राई संयुक्त राष्ट्रसङ्घको आर्थिक समितिको अध्यक्षमा निर्वाचित

यो कोरोना कहरमा मैले देखेको संजीवनी सबैलाई उपयोगी बनोस

कोरोनासम्बन्धी बेलायत र नेपाल सरकारका नीति कमजोर : डा पदम सिम्खडा

सिनियर नर्स उर्मिला श्रेष्ठको आफ्नै कथा ब्यथा : कोरोना, मेरो काम र मेरो परिवार

लकडाउनको मोडेल परिवर्तन गरौँ : डा. रवीन्द्र पाण्डे, जनस्वास्थ्य विज्ञ

Mobile Sliding Menu

Himalayamail.com