नेपाल ब्रिटेनको कायक्रम सभ्य र भब्य रुपमा सम्पन्न ;को किन सम्मानित ?

लन्डन ।  आइतवार भएको कार्यक्रम १ सय जनाको पनि कम उपस्थित हुने अपेक्षा गरिए पछि २ सय ५० जना उपस्थित भएर अनलाइनको बार्षिक उत्सवमा भव्य रुपमा मनाउन साथ दिए । नेपाली दूतावास लण्डन, तमुधी युके, गेसो, स्थानिय एनबिसी लगायतका दर्जेनै संघसंस्थाले सहभागिता थियो । मिडल्याण्ड क्षेत्रबा समेत दर्जनै मानिसहरुको उपस्थिती थियो ।

नेपाल ब्रिटेन डट कम दस वर्ष पूरा गरी एघारौं वर्ष लागेको अवसरमा

आयोजित कार्यक्रममा बेलायतका लागि नेपाली राजदूत डा दुर्गाबहादुर सुवेदीलगायत शीर्ष १० व्यक्तित्वलाई सम्मान गरियो ।
लन्डनको ह्यारो फुटबल क्लबमा आयोजित कार्यक्रमका प्रमुख अतिथि सांसद डा सूर्य सुवेदी सहभागी हुनुहुन्थ्यो ।
रामशरण सिमखडाको संयोजकमा सम्पन्न कार्यक्रमको बीचबीचमा सांगीतिक प्रस्तुतिहरु रहेका थिए । प्रसुन्न कँडेलको नृत्य, शर्मिला बर्देवा, सुरु शर्मा र डोल्मा छोल्टिङ उपस्थिती थियो ।
प्रत्येक वर्षझै नेपाल ब्रिटेन डट कमले यस वर्ष पनि बेलायतमा बसेर मातृभूमिको सेवा गर्ने शीर्ष दस व्यक्तित्वलाई सम्मान ग¥यो ।
शीर्ष १० व्यक्तित्व सम्मानित हुनेहरुमध्ये पहिलो नम्बरमा डा. पदम सिम्खडा पर्नुभएको छ । बेलायतमा लामो समयदेखि प्राध्यापनमा संलग्न सिम्खडा जोन मोर युनिभर्सिटीेमा एसोसिएट डिनको महत्वपूर्ण जिम्मेवारी सम्माल्नु भएको थियो ।
धादिङ जिल्लादेखि बेलायतसम्मको अध्ययन यात्रामा सम्भवतः नेपाली प्रोफेसर विदेशी विश्वविद्यालयमा एसोसिएट डिन हुने सिम्खडा पहिलो व्यक्ति हुन । सिम्खडा युनिभर्सिटीमा उच्च शिक्षा लिइरहेका नेपालीहरुको लागि प्रेरणाका श्रोत हुन् ।
यस्तै दोस्रो नम्बरमा टोल खाम्चा पर्नुभएको छ । स्याङजा शिरकोट करादीमा जन्मिएका ५० वर्षीय टोल खाम्चा मगर बेलायती सेनाको छैटौं वरियताको लेफिटनेन्ट कर्णेल पदमा पुग्ने सफल नेपाली हुनुहुन्छ । उहाँ बेलायती सेनाको उच्च अधिकृतमा पुग्ने सौभाग्य पाएका गोरखा सैनिक हुन् । गोरखा भर्तीको २०० वर्षको अवधिमा सो पदमा अहिलेसम्म खाम्चासहित चारजना नेपालीले मात्र पुग्ने अवसर पाएका छन् । त्यसमध्ये खाम्चा एक अधिकृत हुन् । सो पदमा सेवारत भने उनी एकमात्र गोरखा हुन् ।
यस्तै तेस्रो नम्बरमा कृष्णकुमार राई पर्नुभएको छ । गोर्खालाई नै बेलायतले अन्याय गरेपछि गोर्खा भूतपूर्व सैनिक संघ ९गेसो० ले २०४६ सालयता निरन्तर आन्दोलन र अभियान चलाइरहेका छन् । गोर्खाहरुको आफ्नै पहल र अगुवाईमा नेपालको सडकबाट सुरु भएको आन्दोलन बेलायतको सडक, सदन र अदालतसम्म पुग्यो । यी उपलब्धीहरु हासिल गर्ने धेरै नायकमध्ये राई पनि एक हुनुहुन्छ ।
चौथो नम्बरमा ज्ञाम गुरुङ पर्नुभएको छ । बेलायतमा सेवा पदक, महारानीको गोल्डेन जुब्ली पदक, युएनको शान्ति पदक, बोजनिया पदक र अन्य थुप्रै सम्मान पुरस्कार र पदकहरुबाट सन्य जीवनमा सम्मानित हुनु भएका गुरुङ २००९ मा तमुधि केन्द्रमा सचिवको जिम्मेवारी, महासचिव, उपाध्यक्ष, वरिष्ठ उपाध्यक्ष र हाल गरिमामय अध्यक्षको पद सम्हाल्ने ज्ञाम गुरुङ तमुधिको इतिहासमा कम उमेरका बहुप्रतिभाशाली र चर्चित अध्यक्षको रुपमा परिचित हुनुहुन्छ ।
पाँचौं नम्बरमा दिपक श्रेष्ठ हुनुहुन्छ । बेलायतको नेपाली समुदायमा क्रियाशील समाजसेवी र सफल व्यवसायीका रुपमा चिनिनु हुन्छ श्रेष्ठ । बुद्ध फाउन्डेसन यूकेका अध्यक्ष श्रेष्ठले विभिन्न सामाजिक संघसंस्थाको नेतृत्वदायी भुमिकामा रहेर एक इमान्दार, कर्तव्यनिष्ठ र जुझारु सामाजिक अभियन्ताको परिचय बनाउन सफल हुनुहुन्छ ।
छैटौं नम्बरमा मीनबहादुर गुरुङ हुनुहुन्छ । गुरुङ खेलकुद क्षेत्रमा सक्रिय हुनुहुन्छ । सेनाभित्र रहदाँ पनि उहाँको रुचि खेलप्रति घटेन, खेल्दै जानुभयो । अहिले उहाँ फुटबलसँग भूपू गोरखाको सम्बन्ध सेतु बन्नु भएको छ । बेलायतमै गोरखा वेलफेयर सोसाइटी, तमुधि यूके, एनआरएन यूकेलगायतका संस्थामा आबद्ध गुरुङ बेलायतको साहारा यूकेका अध्यक्षसमेत हुनुहुन्छ ।
यस्तै सातौं नम्बरमा कमलराज खनाल हुनुहुन्छ । खनाल अहिले बेलायतमा सकृय सामाजिक सेवामा लाग्नुभएको छ । भूतपूर्व गोरखा, एकल महिला तथा विविध रूपले कमजोर व्यक्तिलाई प्रत्येक साता ३–४ घन्टा अंग्रेजी भाषा, सहयोग, खानाको व्यवस्था, योग र मेडिटेसनका माध्यमबाट मानसिक तनावलाई कम गर्न खनालले महत्वपूर्ण भूमिका निर्वाह गर्नुभएको छ । समाज र राज्य परिवर्तन तबमात्र सम्भव र सही बाटोमा हुन्छ, जब व्यक्तिले आफूबाट सही र निस्वार्थ कामको थालनी गरेको हुन्छ भन्ने मान्याता खनालको छ ।
आठौं नम्बरमा कृष्ण ढकाल हुनुहुन्छ । वेष्टवर्मिचमा रहेको शान्ति नेपाल समाजका अध्यक्ष ढकालले आफ्नो पेशाबाहेक अरु समय नेपाली समाजमा खर्चिनुहुन्छ । उनी गैरआवासीय नेपाली संघ यूकेका सल्लाहकार, सिन्धुपाल्चोकको जुरे पहिरोले पुरिएको स्कुल निर्माण, भुकम्प आउँदा संस्थाले ३५ लाख रुपैयाँको आपतकालीन कोषको स्थापना गरेको थियो । हाल शान्ति नेपाली समाज वर्मिघमको अध्यक्ष सम्हालिरहनु भएको छ ।
नवौं नम्बरमा जीव बेल्बासे हुनुहुन्छ । बेल्बासे गे्रटर रशमोर नेपाली कम्युनिटीका अध्यक्ष हुनुहुन्छ । गैरआवासीय नेपाली संघ ९एनआरएन० संस्थापनकालदेखि सक्रिय बेल्बासेले बिगतमा एनआरएन अभियानमा महत्वपूर्ण योगदान दिनुभएको छ । गैरआवासीय नेपाली संघ यूकेका पूर्वप्रवक्ता रहनुभएका बेलबासे नेपालमा भइरहने प्राकृतिक प्रकोपका बेला सक्रिय भइ योगदान दिदै महत्वपूर्ण भूमिका निर्वाह गर्नुभएको छ ।
दसौं स्थानमा जसिता गुरुङ हुनुहुन्छ । गुरुङ साउथ ह्याम्टन सोलेन्ट युर्निभरसिटीमा स्नातक गर्दै हुनुहुन्छ । गुरुङ अहिले ह्यर एण्ड मेक डिजाइनको कोर्ष गर्दै हुन्छन् । विचेस्टरस्थित पिटर सिमेन्स कलेजमा अध्ययनर हुदै गर्दा सपन इनन्टरटेन्टमेन्टद्वारा आयोजित डान्स अफ युके प्रतियोगितमा बिजेता भएपछि बेलायती समाजमा एकाएक चर्चामा आउनुभएको हो ।
नेपाल ब्रिटेन डट कमले शिव खरेललाई विशेष सम्मान गरेको छ । सानै उमेरदेखि कला संस्कृति, खेलकुद भनेपछि हुरुकै हुने खरेल बाल्यकालदेखि समाजको नेतृत्व आफ्नै हातमा भएको ठान्नुहुन्छ । सन् २००५ मा बेलायत आउनुभएका खरेलकै सकृयतामा हाम्रो नेपाली समाज बेलायतलाई च्यारिटी संस्थाको रुपमा दर्ता गराउन सफल हुनुभयो ।
नेपाल ब्रिटेन डट कमका सम्पादक नारायण गाउँले, गैरआवासीय नेपाली संघ युकेका अध्यक्ष योग कुमार फगामी, पूर्वअध्यक्ष सूर्य गुरुगं, शिवजी श्रेष्ठ, कृष्ण कुमार राई, डा. पदम सिमखडा लगायतले शुभकामना मन्तव्य दिए । कार्यक्रमको सभापतित्व प्रधानसम्पादक चिरन शर्माले गरेका थिए ।

भर्खरै

Archives

छुटाउनुभयो कि?

नेदर्ल्याण्डमा नेपाली समुदायको एक झलक

सबैलाई डर देखाउने मृत्यु के हो र यो भयबाट कसरि मुक्त रहने?

आमा भन्नुहुन्थ्यो-एउटा हातले दिएको अर्को हातले पनि थाहा नपाओस,गोप्य दान महादान हो

नेपालका प्रतिनिधि राई संयुक्त राष्ट्रसङ्घको आर्थिक समितिको अध्यक्षमा निर्वाचित

यो कोरोना कहरमा मैले देखेको संजीवनी सबैलाई उपयोगी बनोस

कोरोनासम्बन्धी बेलायत र नेपाल सरकारका नीति कमजोर : डा पदम सिम्खडा

सिनियर नर्स उर्मिला श्रेष्ठको आफ्नै कथा ब्यथा : कोरोना, मेरो काम र मेरो परिवार

लकडाउनको मोडेल परिवर्तन गरौँ : डा. रवीन्द्र पाण्डे, जनस्वास्थ्य विज्ञ

Mobile Sliding Menu

Himalayamail.com